Hermes Salceda (1962) é profesor de lingua e literatura francesa na Universidade de Vigo. Especializouse no estudo e a tradución da literatura francesa experimental de tipo formalista: Raymond Roussel, Georges Perec, o Oulipo (Obradoiro de literatura potencial). Como tradutor, con distintos colaboradores, esforzouse en verter ao español algunhas obras deses autores respectando as regras, ou trabas de escritura dos orixinais, O Secuestro (Georges Perec) Textos embrionarios (Raymond Roussel), Nel Tajo! (Anne F. Garréta), así como algunhas películas e textos de Erik Bullot. Como crítico publicou distintos ensaios e artigos en Francia e en España sobre Georges Perec e Raymond Roussel: La méthode de Raymond Roussel. Écriture à procédés/ lecture à procédures (2000), Raymond Roussel, teoría e práctica da escritura (2002), Clés pour A Disparition de Georges Perec (2018), Dalí-Roussel: Paranoia crítica e cibernética textual (2022).
Desde hai varios anos interesa tamén polas escrituras dixitais e polos usos dous procedementos de escritura oulipianos nas artes plásticas. Xunto con Philippe Bootz e Inés Laitano realizou a remediación dixital de