Sonsoles Facal Álvarez

Son licenciada en Filoloxía Hispánica (UNED), especialista en Lingüística Aplicada (Universidade de Vigo) e doutoranda no programa de Comunicación do Departamento de Lingüística e Tradución da Universidade de Vigo. A miña tese está dirixida pola profesora Lourdes Lorenzo.
A miña actividade investigadora integra as ciencias cognitivas e os estudos de tradución como marco teórico da Linguaxe Accesible, e céntrase na dimensión semántico-pragmática como eixe do proceso de adaptación. Actualmente imparto a materia Lectura Fácil e validación de textos no programa EMAU da Universidade de Vigo.