David Hernández Coalla

David Hernández Coalla é graduado en Estudos Ingleses pola Universidade de Oviedo (2021), onde tamén cursou o Máster en Formación do Profesorado de Educación Secundaria Obrigatoria, Bacharelato e Formación Profesional (2022). Actualmente cursa estudos de doutoramento na Universidade de Vigo baixo a supervisión de Javier Pérez Guerra e Paula Rodríguez Puente. O seu traballo céntrase nos factores da variación da concordancia entre substantivos colectivos e verbos no inglés contemporáneo, desde unha perspectiva tanto sincrónica como diacrónica e a través da metodoloxía da lingüística de corpus. Tamén levou a cabo investigacións sobre a evolución das preposicións de axente en inglés medio e inglés moderno temperán e a variación pronominal. En 2022 colaborou con Paula Rodríguez Puente na compilación do Corpus of Contemporary English Legal Decisions, 1950–2021 (CoCELD).