O seminario “As linguaxes da memoria: memoria e imaxe” celebrarase o xoves co apoio do Instituto de Investigación Lingua (iLingua) e o Departamento de FIFA.
Este seminario é o primeiro dunha serie que ten como obxectivo reflexionar sobre os códigos subxacentes á expresión dos acontecementos que configuran a nosa “memoria”. Coa imaxe como protagonista e dirixido pola artista visual Mar Caldas e o cineasta da BBC Maurice Fitzpatrick, o seminario explorará unha ampla gama de linguaxes (desde o collage fotográfico e a instalación ata as obras fílmicas e o documental) que articulan as narrativas da memoria pública e privada nas súas obras.