iLingua
iLingua é un Instituto da Universidade de Vigo, orientado á investigación e formación no ámbito das linguas, a tradución e a lingüística.
iLingua reúne un nutrido grupo de investigadores/as e garantes, especialistas nas liñas de investigación sobre cognición, educación, plurilingüismo, tradución e interpretación e humanidades dixitais.
SINERXÍAS
iLingua actúa como Instituto receptor de investigadores/as en formación e en prácticas, así como profesorado visitante e colaborador. Ofrece formación pre- e posdoutoral nas súas liñas de investigación.
Un obxectivo fundamental do iLingua é achegar o coñecemento sobre a investigación en linguas á sociedade e á comunidade non universitaria.
O iLingua actúa como plataforma de impulso para proxectos e iniciativas conxuntas do seu persoal investigador, co obxectivo de acadar financiamento competitivo e atraer talento.
